திருச்சியை சேர்ந்த பெரியசாமி என்பவர் ஜோதிடத்தை தொழிலாக செய்து வருபவர். இவருக்கு கடந்த 4 நாட்களுக்கு முன்னர் திருமணம் நடந்தது. இந்த நிலையில் சமீபத்தில் இவர் ஒரு வீடியோவை பதிவு செய்தார். அந்த வீடியோவில் உடும்பை பிடித்து அதன் பாகங்களை தனித்தனியாக அரைத்து காய வைத்து எரித்து அதன் சாம்பலில் இருந்து மை தயாரிப்பதாகவும் இதை வசியம் செய்ய பயன்படுத்துவதாகவும் அவர் தெரிவித்திருந்தார்
தடை செய்யப்பட்ட விலங்கான உடும்பில் அவர் வசிய மை தயார் செய்ததை வனத்துறையினர் அறிந்து அவரை தேடும் பணியில் ஈடுபட்டனர். அப்போது அவருக்கு நான்கு நாட்களுக்கு முன்னர் தான் திருமணமாகியிருந்தது என்பதும் அவர் விருந்துக்காக மாமியார் வீட்டிற்கு சென்று உள்ளதையும் கண்டுபிடித்தனர். இதனை அடுத்து மாமியார் வீட்டுக்குச் சென்ற வனத்துறையினர் ஜோசியம் பார்க்க வேண்டும் என அவரை அழைத்து வந்து கைது செய்து சிறையில் அடைத்தனர். இந்த சம்பவம் அந்த பகுதியில் பெரும் பரபரப்பை ஏற்படுத்தி உள்ளது
