சென்னை சென்ட்ரலில் இருந்து போடிநாயக்கனூர் செல்லும் பயணிகள் ரயில் நேற்றிரவு 10.30 மணிக்கு புறப்பட்டது. இன்று காலை 7.50 மணியளவில் மதுரை அருகே சென்றபோது, எஞ்சினுக்கு அடுத்த பெட்டியின் சக்கரம் கழன்று விட்டது.
மதுரை ரயில் நிலையத்தின் 5வது நடைமேடையில் இந்த ரயில் நிற்பதால், சென்னையில் இருந்து வரும் மற்ற சிறப்பு ரயில்களின் போக்குவரத்தும் பாதிக்கப்பட்டுள்ளது. இதனால் அவ்வழியாக செல்லும் ரயில்களை மாற்று தடத்தில் செலுத்த ரயில்வே அதிகாரிகள் ஏற்பாடு செய்து வருகின்றனர்.
