இந்நிலையில் ஸ்டெர்லைட் ஆலையை மூடியதால், காப்பருக்கு தட்டுப்பாடு ஏற்பட்டுள்ளதாகவும், ஆதலால் மின்சார வாரியத்தில் ஏற்படும் கோளாறுகளை சரிசெய்வதில் சிக்கல் ஏற்பட்டுள்ளதாகவும் தமிழக மின்சாரத் துறை அமைச்சர் தங்கமணி கூறியுள்ளார்.
மேலும் அவர், சென்னையில் தற்போது இரவு நேரங்களில் மின் அழுத்தம் குறைவாக உள்ளதாகவும், தற்போது மின் தேவை 3,700 மெகாவாட்டாக அதிகரித்துள்ளதாகவும் தெரிவித்தார்.
வேதாந்தா நிறுவனத்திற்கு சொந்தமான ஸ்டெர்லைட் ஆலையால் சுற்றுப்புற மக்கள் பெரும் பாதிப்பு அடைகின்றனர் என கடந்த 2018 ஆம் ஆண்டு மே மாதம் நடந்த போராட்டத்தில், 13 பேர் துப்பாக்கிச் சூட்டில் போலீஸாரால் கொல்லப்பட்டனர் என்பது குறிப்பிடத்தக்கது.
