புதுக்கோட்டை மற்றும் திருச்சி மாவட்டங்களில் விஜயபாஸ்கர் நடத்தி வரும் மணல் குவாரிகள், கல்வி நிறுவனங்கள், அங்கு அவருக்கு உள்ள நிலங்கள் ஆகியவை குறித்து அதிகாரிகள் சோதனை நடத்தி வந்தனர். இதில் வருமான வரி ஏய்ப்பு செய்யப்பட்டதை அவரின் தந்தை ஒப்புக்கொண்டார்.
மேலும். சென்னையில் விஜயபாஸ்கர் மனைவியிடம் நடத்திய விசாரணையில், பல கோடி ரூபாய் அளவிற்கு வரி ஏய்ப்பு செய்யப்பட்டதை ஒப்புக்கொண்டார். இதன் மூலம் ரூ.21 கோடி அளவிற்கு அவர்கள் வரி ஏய்ப்பு செய்துள்ளது தெரியவந்துள்ளது. அவர்களிடம் தொடர்ந்து அதிகாரிகள் சோதனை நடத்தினர். மேலும், அந்த மாவட்டங்களில் நடந்த வந்த விசாரணை, தற்போது சென்னைக்கு மாற்றப்பட்டுள்ளதாக அதிகாரிகள் தெரிவித்துள்ளனர். இதனால் அமைச்சர் விஜயபாஸ்கருக்கு மீண்டும் சிக்கல் வந்துள்ளது.
