கடலூர் மாவட்டம் வடலூர் நான்கு முனை சந்திப்பில் போக்குவரத்து அதிகம் உள்ள காலை நேரங்களில் போக்குவரத்து போலீசார் சிக்னல் அருகே இல்லாததால் கடும் போக்குவரத்து நெரிசல் ஏற்பட்டு வருகிறது
வடலூர் மற்றும் அதன் சுற்றுவட்டார பகுதியை சேர்ந்த பள்ளி மற்றும் கல்லூரி மாணவர்கள் அதிக அளவில் வடலூர் நகரப் பகுதியில் கல்வி பயின்று வருகின்றனர்.
இதனால் காலை நேரங்களில் கடும் போக்குவரத்து நெரிசல் ஏற்படுகிறது. கடும் போக்குவரத்து நெரிசல் ஏற்படும் நேரத்தில் போக்குவரத்து போலீசார் சிக்னல் அருகே இல்லாததால் பொதுமக்கள் தானாக முன்வந்து போக்குவரத்தை சரி செய்யும் அவலநிலை தொடர்கதை ஆகி வருகிறது. எனவே துறை சார்ந்த அதிகாரிகள் பொதுமக்கள் மற்றும் பள்ளி மாணவர்களின் நலன் கருதி போக்குவரத்து போலீசார் அதிகாலை நேரத்தில் உள்ளாரா என்பதை கண்காணித்து உறுதி செய்ய நடவடிக்கை மேற்கொள்ள வேண்டும் என்று வாகன ஓட்டிகள் சார்பில் கோரிக்கை விடுக்கப்பட்டுள்ளது.
