நாட்டின் மிகப்பெரிய வங்கி மோசடி வழக்குகளில் ஒன்றான ரூ.1,396 கோடி மோசடி தொடர்பான பணமோசடி விசாரணையின் ஒரு பகுதியாக, ஒடிசாவின் புவனேஸ்வரில் அமலாக்கத்துறை அதிரடி சோதனைகளை நடத்தியுள்ளது.
இந்த சோதனையில், சுமார் 7 கோடி ரூபாய்க்கு மேல் மதிப்புள்ள 10 சொகுசு கார்கள் மற்றும் 3 சூப்பர் பைக்குகள் பறிமுதல் செய்யப்பட்டன. மேலும், ரூ.1.12 கோடி மதிப்புள்ள நகைகள், ரூ.13 லட்சம் ரொக்கம் மற்றும் அசையா சொத்துகள் தொடர்பான ஆவணங்கள் கைப்பற்றப்பட்டன.
இந்த சோதனைகள், சக்தி ரஞ்சன் தாஷ் என்பவருக்கு சொந்தமான இரண்டு இடங்களில் நடத்தப்பட்டன. அவரது நிறுவனங்கள் ரூ.1,396 கோடி வங்கி மோசடி வழக்கு தொடர்பாக இந்த சோதனைகள் மேற்கொள்ளப்பட்டன.
அமலாக்கத்துறையின் கூற்றுப்படி, ITCOL மற்றும் அதன் இயக்குநர்கள் 2009 முதல் 2013 வரை வங்கி கூட்டமைப்புகளிடமிருந்து போலி திட்ட அறிக்கைகள் மற்றும் போலி நிறுவனங்களுக்குப் போலியான விற்பனையை காண்பித்து கடன்களை பெற்றுள்ளனர். இந்த கடன்கள் அனுமதிக்கப்பட்ட நோக்கங்களுக்காக பயன்படுத்தப்படவில்லை.
