தமிழக பாஜக தனது ட்விட்டரில் திருவள்ளுவரின் படத்தை காவி உடை, விபூதியோடு பதிவிட்டது சர்ச்சையை ஏற்படுத்தியது. சில திமுகவினர் மற்றும் தி.க கட்சியினர் இதை வன்மையாக கண்டித்து பதிவிட்டனர். அதை தொடர்ந்து #BJPInsultsThiruvalluvar என்ற ஹேஷ்டேக் இணையத்தில் வைரலாகி வருகிறது.
மேலும் திருவள்ளுவர் யார்? இந்துவா? பௌத்தரா? என்ற விவாதமும் சமூக வலைதளங்களில் நடைபெற்று வருகிறது. இந்நிலையில் பாஜக பிரமுகர் எஸ்.ஆர்.சேகர் தனது ட்விட்டர் பதிவில் ” திருவள்ளுவரின் ஒரிஜினல் உடை "காவி" வெள்ளை அடித்தது திமுக 1810, 1885, 1935, 1970 வரை காவியுடை உடுத்தியிருந்த திருவள்ளுவரை "வெள்ளைக்கு" மாற்றிய "சிறுமை" கருணாநிதியை சாரும்” என்று நேரடியாக விமர்சித்துள்ளார்.
