சென்னையில் நேற்று இரவு முதல் தொடர் மழை பெய்து வருவதை அடுத்து, சென்னை மாவட்டத்தில் உள்ள பள்ளிகளுக்கு மட்டும் இன்று விடுமுறை என அறிவிக்கப்பட்டுள்ளது.
வங்கக்கடலில் காற்றழுத்த தாழ்வு மையம் தோன்றி உள்ளதாக வானிலை ஆய்வு மையம் அறிவித்துள்ள நிலையில் சென்னையில் நேற்று இரவு முதல் மிதமான மழை முதல் கனமழை வரை பெய்து வருகிறது என்பதை பார்த்து வருகிறோம்.
இந்நிலையில், ஒரு மணி நேரத்திற்கு முன்னர் சென்னையில் வழக்கம்போல் பள்ளி, கல்லூரிகள் செயல்படும் என்றும், சென்னையில் உள்ள பள்ளி கல்லூரிகளுக்கு விடுமுறை கிடையாது என்றும் மாவட்ட ஆட்சியர் அறிவித்திருந்தார்.
ஆனால் சற்று முன் சென்னையில் உள்ள பள்ளிகளுக்கு மட்டும் விடுமுறை என்று அறிவிக்கப்பட்டுள்ளது. அதே நேரத்தில், கல்லூரிகள் வழக்கம்போல் செயல்படும் என்பது குறிப்பிடத்தக்கது.
சென்னையில் விடிய விடிய மழை பெய்து வரும் நிலையில், பள்ளிகளுக்கு மட்டும் விடுமுறை என மாவட்ட ஆட்சியர் அறிவித்துள்ளதால், மாணவர்கள் வீட்டில் பாதுகாப்பாக இருக்குமாறு அறிவுறுத்தப்படுகிறார்கள்.
