சவுக்கு சங்கர் கடந்த சில நாட்களுக்கு முன்னர் பேட்டி அளித்தபோது பெண் போலீசார் குறித்து சர்ச்சைக்குரிய வகையில் பேசியதாக அவர் மீது வழக்கு பதிவு செய்யப்பட்டது. இந்த வழக்கின் அடிப்படையில் அவர் தேனியில் கைது செய்யப்பட்ட நிலையில் அதனை அடுத்து அவர் கோவை நீதிமன்றத்தில் ஆஜர் செய்யப்பட்டார் என்றும் அதனை அடுத்து அவர் சிறையில் அடைக்கப்பட்டார் என்பதும் தெரிந்தது.
இந்த நிலையில் சவுக்கு சங்கர் தற்போது வாக்குமூலம் அளித்திருப்பதாகவும், திருச்சி சைபர் கிரைம் காவல் நிலையத்தில் அவர் அளித்த வாக்குமூலத்தில் அவதூறாக பேச தன்னை யாரும் தூண்டவில்லை என்றும் பெண் போலீசார் குறித்து உணர்ச்சிவசப்பட்டு பேசி விட்டேன் என்றும் அது தவறு தான் என்றும் கூறியிருப்பதாக தகவல் வெளியாகி உள்ளது.
