சென்னை புறநகர் பகுதிக்கு மிகப்பெரிய ரயில் நிலையமாக இருக்கும் தாம்பரம் ரயில் நிலையத்தில் இருந்து திருநெல்வேலி, கோவை, நாகர்கோவில் உள்ளிட்ட இடங்களுக்கு ரயில்கள் புறப்பட்டு செல்கின்றன. மேலும் ஆந்திரா வழியாக வட மாநிலங்கள் செல்லும் ரயில்களும் சென்ட்ரல் ரயில் நிலையத்திற்கு பதிலாக தாம்பரம் ரயில் நிலையத்திலிருந்து புறப்பட தொடங்கிவிட்டன.
இதனால் தாம்பரம் ரயில் நிலையம் முக்கியத்துவம் பெற்று வரும் நிலையில் இந்த ரயில் நிலையத்தில் போதிய அடிப்படை கட்டமைப்பு வசதிகள் இல்லாததால் தற்போது ஆயிரம் கோடி ரூபாயில் மேம்படுத்த முடிவு செய்யப்பட்டுள்ளது. நவீன கழிப்பறைகள், டிஜிட்டல் பலகைகள், எஸ்கலேட்டர்கள், புதுப்பிக்கப்பட்ட நாற்காலிகள் உள்ளிட்ட வசதிகள் செய்ய இருப்பதாகவும் நடை மேம்பாலங்கள், பார்க்கிங் வசதி, குடிநீர் மற்றும் உணவு வசதி அனைத்தும் மாற போவதாகவும் கூறப்படுகிறது.
