இந்நிலையில் 1 முதல் 5ம் வகுப்புகள் வரை பாடம் நடத்தும் ஆசிரியர்களுக்கு எண்ணும், எழுத்தும் பயிற்சி வகுப்பு நடத்தப்பட உள்ளதால் முன்னதாக 1 முதல் 5ம் வகுப்பு வரை படிக்கும் மாணவர்களுக்கு அக்டோபர் 9ம் தேதி வரை காலாண்டு விடுமுறை வழங்கப்படுவதாக அறிவிக்கப்பட்டது.
தற்போது ஆசிரியர்களுக்கான எண்ணும், எழுத்தும் பயிற்சி ஒத்திவைக்கப்பட்டுள்ளது. இந்த பயிற்சி அக்டோபர் 10 முதல் 12வரை நடைபெற உள்ளதால் 1 முதல் 5ம் வகுப்பு வரையிலான மாணவர்களுக்கு மட்டும் அக்டோபர் 12ம் தேதி வரை காலாண்டு விடுமுறை நீட்டிக்கப்படுவதாக பள்ளிக்கல்வித்துறை தெரிவித்துள்ளது.
