புதுக்கோட்டை மாவட்டம் பொன்னமராவதியில் தேர்தலுக்குப் பின்னர் வெளியான ஒரு வாட்ஸ் அப்பில் ஒரு ஆடியோ பதிவால் இருப் பிரிவினருக்கு இடையில் மோதல் வெடித்தது. இதில் மோதலைத் தடுக்க வந்த காவல்துறை, போலீஸ் ஸ்டேசன் மற்றும் காவல்துறையின் வாகனங்களும் தாக்கப்பட்டன.
இதையடுத்து புதுகோட்டை மாவட்டத்தில் உள்ள 49 கிராமங்களில் கடந்த 3 நாட்களாக நிலைமையைக் கட்டுக்குள் கொண்டுவர 144 தடை உத்தரவை மாவட்ட ஆட்சித்தலைவர் பிறப்பித்திருந்தார். மேலும் 800 போலிஸார் காவல் பணிகளில் ஈடுபடுத்தப்பட்டனர். கலவரம் சம்மந்தமாக சுமார் 1000 பேர் மீது காவல்நிலையத்தில் வழக்குப் பதிவு செய்யப்பட்டுள்ளது.
