தமிழக சட்டமன்ற தேர்தல் நெருங்கி வரும் நிலையில் இன்று அதிமுக முதல்வர் வேட்பாளராக எடப்பாடி பழனிசாமி அறிவிக்கப்பட்டுள்ளார். இந்நிலையில் அதிமுகவுடனான கூட்டணி குறித்து செய்தியாளர்களுக்கு பேட்டியளித்த தமிழக பாஜக மூத்த தலைவர் பொன்.ராதாகிருஷ்ணன் ”தற்போது உள்ள கூட்டணி நாடாளுமன்ற தேர்தலுக்காக ஏற்படுத்தப்பட்ட கூட்டணி. சட்டமன்ற தேர்தலுக்காக கூட்டணி அமைக்கப்படும். அந்த கூட்டணியானது திமுகவுடனும் இருக்கலாம், அதிமுகவுடனும் இருக்கலாம் அல்லது இரண்டும் இல்லாமலும் கூட இருக்கலாம். சட்டமன்ற தேர்தல் நெருங்க நெருங்க கூட்டணியில் மாற்றங்கள் ஏற்படும்” என கூறியுள்ளார்.
