இருந்தாலும் கிராமப்புறங்களில், ஓட்டுநர் உரிமம் மற்றும் வயது வரம்புகள் பெரிதாக கண்டுகொள்ளப்படவில்லை என்கிற கருத்து பரவலாக இருந்து வருகிறது. உள்ளூர்களுக்குள் வண்டி ஓட்டுகிறவர்கள் பெரும்பாலும் ஓட்டுநர் உரிமம் பெறுவதுமில்லை, வண்டி ஓட்டுவதற்கான வயதை பார்ப்பதும் இல்லை.
காவல்துறை கண்காணிப்பாளர் ஜெயக்குமார் தலைமையில் நடந்த நள்ளிரவில் வாகன சோதனையில் ஈடுபட்ட போலீசார், அவ்வழியே வந்த கார் ஒன்றை நிறுத்தி பார்த்தபோது அந்த காரை 9 ஆம் வகுப்பு படித்து வரும் கிஷந்த் என்கிற 14 வயது சிறுவன் ஓட்டி வந்ததைக் கண்டு அதிர்ச்சி அடைந்தனர்.
