விழுப்புரம் மாவட்டம் ஆதனப்பட்டு கிராமத்தைச் சேர்ந்த ராஜேந்திரன் , அதிமுகவின் விவசாய பிரிவு செயலாளராக இருந்தவர். கடந்த முறை நடந்த மக்களவை தேர்தலில் விழுப்புரம் நாடாளுமன்ற தொகுதியில் போட்டியிட்டு மக்களவை உறுப்பினர் ஆனார்.
இந்நிலையில் நேற்று விழுப்புரம் தைலாபுரத்தில் அமைத்துள்ள பாமக தலைவர் ராமதாஸ் வீட்டில் நடைபெற்ற விருந்தில் முதலமைச்சர் எடப்பாடி பழனிசாமி, துணை முதலமைச்சர் ஓ.பி.எஸ். மற்றும் அமைச்சர்களுடன் ராஜேந்திரனும் கலந்து கொண்டார்.
அப்போது திண்டிவனம் அருகே கார் சென்று கொண்டிருந்த போது, சாலையில் நடுவே புதிதாக போடப்பட்டுள்ள தடுப்புச் சுவரில் மோதி கார் விபத்துக்குள்ளானது. இதில் காரில் சென்ற எம்பி.ராஜேந்திரன், அவரது உதவியாளர் தமிழ்செல்வன், காட் ஓட்டுநர் ஆகிய மூவரும் படுகாயம் அடைந்தனர்.
