இந்நிலையில் முல்லை பெரியாறு அணைக்கு குறுக்கே புதிய அணை கட்டும் கேரள அரசின் கோரிக்கையை நிராகரிக்க வேண்டும் என மத்திய அரசுக்கு தமிழக முதல்வர் மு.க.ஸ்டாலின் கடிதம் எழுதியுள்ளார். அதில் “உச்சநீதிமன்ற உத்தரவை மீறி முல்லை பெரியாற்றில் புதிய அணை கட்ட ஆய்வு மேற்கொள்ளும் கேரள அரசின் கோரிக்கையை மத்திய அரசு நிராகரிக்க வேண்டும். சூழலின் தீவிரத்தை கருத்தில் கொண்டு உடனடியாக மத்திய அரசு இதில் தலையிட வேண்டும்” என்று தெரிவித்துள்ளார்.
