கடந்த 24 மணி நேரத்தில் தமிழகத்தில் கொரோனாவால் பாதிக்கப்பட்டவர்களின் எண்ணிக்கை 1,945 என்றும் சென்னையில் கடந்த 24 மணி நேரத்தில் கொரோனாவால் பாதிக்கப்பட்டவர்களின் எண்ணிக்கை 419 என்றும் சுகாதாரத்துறை அறிவித்தது.
இந்நிலையில் கொரோனா அதிகரிப்பதை சாதகமாக பயன்படுத்தி முக கவசம், கிருமிநாசினி உள்ளிட்ட பொருட்களின் விலை அதிகரித்து விற்கப்படுவது தெரியவந்துள்ளது. ரூ.3 மற்றும் ரூ.4 மதிப்புள்ள முக கவசங்கள் கையிருப்பில் இருந்தாலும் அவற்றை வாடிக்கையாளர்களுக்கு விற்காமல் மற்ற முக கவசங்களை ரூ.150 மற்றும் ரூ.200-க்கு விற்பதாக கண்டறியப்பட்டுள்ளது.
என்95 முக கவசத்தின் விலை ரூ.22 ஆகவும், 2 அடுக்கு அறுவை சிகிச்சை முக கவசத்தின் விலை ரூ.3 ஆகவும், 3 அடுக்கு முக கவசத்தின் விலை ரூ.4 ஆகவும் அரசு நிர்ணயித்தது.
இதேபோல் 200 மி.லி கிருமி நாசினியின் விலை ரூ.110, ஒரு ஜோடி கையுறைகள் ரூ.11, பிபீ கிட் விலை ரூ.273 என அரசு நிர்ணயித்தது என்பது கூடுதல் தகவல்.
