இந்த நிலையில் ஏற்கனவே கன்னியாகுமரி தொகுதியில் பொன் ராதாகிருஷ்ணன் ஐந்து முறை போட்டியிட்டு உள்ளார் என்பதும் அதில் ஒரு முறை வெற்றி பெற்றுள்ளார் என்பதும் குறிப்பிடத்தக்கது. இந்த நிலையில் ஆறாவது முறையாக போட்டியிடும் பொன் ராதாகிருஷ்ணனுக்கு அந்த தொகுதியில் நல்ல பெயர் இருப்பதால் கண்டிப்பாக அவர் வெற்றி பெற்று விடுவார் என்று அரசியல் பார்வையாளர்கள் கருத்து தெரிவித்து வருகின்றனர்.
கடந்த 2021ஆம் ஆண்டு நடந்த இடைத்தேர்தலில் விஜய் வசந்த் மற்றும் பொன் ராதாகிருஷ்ணன் நேருக்கு நேர் மோதிய நிலையில் விஜய் வசந்த் கூட்டணி காரணமாக வெற்றி பெற்றார் என்றும் ஆனால் தற்போது பாஜக கூட்டணி வலிமையாக இருப்பது மட்டுமின்றி இந்த தொகுதியில் உள்ள சட்டமன்ற உறுப்பினர் விளவங்கோடு விஜய தாரணி தற்போது பாஜகவில் இருப்பதால் பொன் ராதாகிருஷ்ணனுக்கு கூடுதல் பலம் என்று கூறப்படுகிறது.
