ரஜினியின் 40 ஆண்டு கால நண்பர் என்று கூறிக்கொள்ளும் கமல், மக்கள் நீதி மய்யம் தொடங்கியபோது ரஜினிகாந்த் அவருக்கு வாழ்த்து தெரிவித்தார் என்பதும் அவர் பாராளுமன்ற தேர்தலில் நிற்கும் போது உதவி செய்ததாகவும் செய்திகள் வெளிவந்தது
ஆனால் ரஜினி தனது அரசியல் அறிவிப்பை நேற்று வெளியிட்ட நிலையில் இதுவரை கமல்ஹாசன் மௌனமாகவே இருக்கிறார். ரஜினியின் அரசியல் குறித்து அனைத்து ஊடகங்களிலும் தலைப்பு செய்தியாக வெளியாகிக் கொண்டிருக்கும் நிலையில் கமல்ஹாசன் மௌனமாக இருப்பது ஏன் என ரஜினி ரசிகர்கள் கருத்து தெரிவித்து வருகின்றனர். இது குறித்து கமல் ரசிகர்களும் சமூக வலைதளங்களில் மௌனமாகவே உள்ளனர் என்பது குறிப்பிடத்தக்கது
