ஆனாலும் சில ஊராட்சி அமைப்புகளில் நூதனமான வகையில் வாக்காளர்களிடம் வாக்கு சேகரிப்பில் வேட்பாளர்கள் சிலர் ஈடுபட்டுள்ளனர். சில நாட்களுக்கு முன்பு திண்டுக்கலில் வேட்பாளர் ஒருவர் மக்களுக்கு பிரியாணி விருந்து அளித்து வாக்கு சேகரிப்பில் ஈடுபடுவதாக அறிந்த தேர்தல் அதிகாரிகள் உடனடியாக அங்கு சென்று அதை தடுத்து நிறுத்தினர்.
இந்நிலையில் தேர்தலில் பரிசுப்பொருட்கள் மறைமுகமாக அளிக்கப்படுவது குறித்து கருத்து தெரிவித்துள்ள காங்கிரஸ் மாநில தலைவர் கே.எஸ்.அழகிரி ”உள்ளாட்சி தேர்தலை முன்னிட்டு பலர் கிராமப் பகுதிகளில் கிறிஸ்துமஸ் தாத்தா வழங்கும் பரிசுப்பொருட்களை விட அதிகமான பரிசுப்பொருட்களை வழங்கி வருகின்றனர்” என்று நகைச்சுவையாக கூறியுள்ளார்.
