மதுரையில் செய்தியாளர்களிடம் பேசிய நடிகரும் எம்.எல்.ஏவுமான கருணாஸ், நான் ராமநாதபுரத்துக்கு துக்க காரியத்துக்கு சென்று கொண்டிருப்பதாகவும், மேலும் மருத்துவமனைகளில் 100 பேர் அனுமதிக்கப்படும் இடத்தில் தற்போது டெங்குக் காய்ச்சலால் 1000 பேர் உள்ளனர். ஆனால், அந்த 1000 பேருக்கான மருந்துகளும் மருத்துவர்களும் போதிய அளவு இல்லை.
திருவண்ணாமலை, நாமக்கல், நாகை, திருநெல்வேலி, தூத்துக்குடி போன்ற இடங்களில் அதிக அளவில் மக்கள் டெங்குவால் பாதிக்கப்பட்டு உயிரிழந்துள்ளனர். எனவே தமிழக அரசு உயிரிழப்புகளைத் தடுக்க போர்க்கால நடவடிக்கையில் ஈடுபட வேண்டும் என நடிகரும் எம்.எல்.ஏவுமான கருணாஸ் கோரிக்கை விடுத்துள்ளார்.
