மக்களவை தேர்தல் தேதி அறிவிக்கப்பட்டுள்ள நிலையில் தொல்.திருமாவளவனின் விடுதலை சிறுத்தைகள் கட்சி, திமுக கூட்டணியில் இணைந்து தமிழ்நாட்டில் தேர்தலை எதிர்கொள்கிறது. இந்த தேர்தலில் திமுக கூட்டணியில் விசிகவுக்கு சிதம்பரம், விழுப்புரம் தனித்தொகுதிகள் ஒதுக்கப்பட்டுள்ளன.
இந்நிலையில் விசிகவின் தேர்தல் திட்டம் குறித்து பேசியுள்ள திருமாவளவன் “கர்நாடகா உள்ளிட்ட 6 மாநிலங்களில் விடுதலை சிறுத்தைகள் கட்சி மக்களவை தேர்தலில் போட்டியிட உள்ளது. கேரளாவில் 5 தொகுதிகளிலும், கர்நாடகாவில் 6 தொகுதிகளிலும், தெலுங்கானாவில் 10 தொகுதிகளிலும், மகாராஷ்டிராவில் ஒரு தொகுதியிலும் விடுதலை சிறுத்தைகள் கட்சி போட்டியிடுகிறது. மேலும் ஆந்திராவிலும் போட்டியிட கூட்டணி பேச்சுவார்த்தை நடந்து வருகிறது” என்று திருமாவளவன் தெரிவித்துள்ளார்.
