இந்த நிலையில் திமுகவுக்கு தேர்தல் வியூகம் வகுத்து கொடுத்த பிரசாந்த்கிஷோர் ஊடகம் ஒன்றுக்கு பேட்டி அளித்தார். அப்போது திமுக கூட்டணி கண்டிப்பாக ஆளும் கட்சியாகவும் என்றும், அதிமுக கூட்டணிக்கு மொத்தம் 50 இடங்கள் கூட கிடைக்காது என்றும் தமிழகத்தில் தான் வகுத்துக் கொடுத்த திட்டங்களை பார்த்து அதிமுக கூட்டணி அஞ்சியதாகவும் அவர் குறிப்பிட்டார்
அதேபோல் மேற்கு வங்கத்தில் பாஜக கூட்டணிக்கு 100 தொகுதிகள் கூட கிடைக்காது என்றும் பாஜகவுக்கு நிச்சயம் மேற்கு வங்கத்தில் மிகப்பெரிய தோல்வி கிடைக்கும் என்பதை என்னால் உறுதியாக கூறமுடியும் என்றும் கூறினார். மம்தா பானர்ஜி மேற்கு வங்கத்தில் மீண்டும் முதல்வர் ஆவார் என்றும் அவரை இப்போதைக்கு மேற்கு வங்க மாநிலத்தில் யாரும் அசைக்க முடியாது என்றும் அவர் தெரிவித்தார். இந்த பேட்டி பெரும் பரபரப்பை ஏற்படுத்தி உள்ளது
