அதிமுகவின் மாற்றாக இருப்பார் என்று கருதப்பட்ட டிடிவி தினகரனின் அமமுக கூடாரம் கொஞ்சம் கொஞ்சமாக காலியாகி வந்த நிலையில் மக்களவை தேர்தலின் படுதோல்விக்கு பின்னர் தினகரன் மீது நம்பிக்கை வைத்திருந்த ஒருசிலரும் அவரை விட்டு விலக முடிவு செய்துவிட்டனர். தமிழகத்தை பொறுத்தவரை அதிமுக அல்லது திமுக தான், இந்த இரண்டு கட்சிகளை தவிர வேறு கட்சிகள் எடுபடாது என்பதை புரிந்து கொண்ட டிடிவி தினகரனின் கட்சியினர் திமுக, அதிமுக என கட்சி மாற தொடங்கிவிட்டனர்.
தங்க தமிழ்ச்செலவனை டெல்லிக்கு அனுப்பிவிட்டால் அவர் மாநில அளவில் அமைச்சர் உள்பட எந்த பதவியையும் கேட்க மாட்டார் என்பதும், டெல்லியில் தற்போது ஓபிஎஸ் செல்வாக்கு அதிகரித்து வருவதால் தங்க தமிழ்ச்செல்வனை டெல்லிக்கு அனுப்பினால் அவருக்கு செக் வைக்கும் அளவில் இருக்கும் என்பதும் என ஒரே கல்லில் இரண்டு மாங்காய்களை அடிக்க ஈபிஎஸ் திட்டமிட்டுள்ளதாக கூறப்படுகிறது
