சோதனை முயற்சியாக இந்த புதிய தொழில்நுட்ப எல்.இ.டி. சிக்னல் சென்னை காமராஜர் சாலையில் அறிமுகம் செய்யப்பட்டுள்ளது. இதற்கு கிடைக்கும் வரவேற்பை பார்த்து அதன்பின்னர் நகர் முழுவதும் இந்த சிக்னல் விரிவுபடுத்தப்படும் என போலீசார் தெரிவித்துள்ளனர். வாகன ஓட்டிகள் பயனடையும் வகையில் உருவாக்கப்பட்டுள்ள இந்த ஸ்டாப் லைன் எல் இ டி சிக்னல்களால் சாலை விபத்துக்கள் வெகுவாக குறையும் என எதிர்பார்க்கப்படுகிறது.
சிக்னலுக்கு தகுந்தால் போல, சிவப்பு, மஞ்சள், பச்சை ஆகிய நிறங்களில் ஒளிரும். இந்த சிக்னல் நகர் முழுவதும் அறிமுகம் செய்யப்பட்டுவிட்டால் வாகன ஓட்டிகள் சிக்னலை மதிக்காமலும், நிறுத்தக் கோட்டில் நிற்காமலும், சிக்னலை வேகமாகவும் கடப்பதும் இனி குறையும் என்றும், அதிகளவில் விபத்துகள் ஏற்படுத்துவதை தடுத்திடவே, இந்த புதிய முயற்சியில் ஈடுபட்டுள்ளதாகவும் போக்குவரத்து போலீசார் தெரிவித்தனர்
