இதனை அடுத்து, குறைந்தபட்சம் இரண்டு ரூபாயிலிருந்து அதிகபட்சம் எட்டு ரூபாய் வரை பேருந்து கட்டணம் உயர்த்தப்பட்டுள்ளது. ஏ.சி வசதி இல்லாத பேருந்துகளில், குறைந்தபட்ச கட்டணம் ஐந்து ரூபாயிலிருந்து ஏழு ரூபாயாக மாற்றப்பட்டுள்ளது. ஏ.சி டவுன் பஸ்களில், குறைந்தபட்ச கட்டணம் 10 ரூபாயிலிருந்து 13 ரூபாயாக உயர்த்தப்பட்டுள்ளது. டீலக்ஸ் பேருந்துகளில் 12 ரூபாயிலிருந்து குறைந்தபட்ச கட்டணம் தற்போது 16 ரூபாயாக உயர்த்தப்பட்டுள்ளது, மேலும் அதிகபட்ச கட்டணம் 47 ரூபாயாக மாற்றப்பட்டுள்ளது.
இந்த கட்டண உயர்வால், புதுவை மற்றும் கடலூர் இடையே பேருந்து பயணத்துக்கு இனி 25 ரூபாய் கட்டணம் செலுத்த வேண்டியுள்ளது. இந்த கட்டண உயர்வு புதுச்சேரி மக்களின் கடும் அதிருப்தியை ஏற்படுத்தியுள்ளது என்பதும் குறிப்பிடத்தக்கது.
