மூன்றாவது முறையாக வெற்றி பெற்று மத்தியில் ஆட்சி அமைக்க பாஜக தீவிரம் காட்டி வருகிறது. வருகின்ற மக்களவைத் தேர்தலில் தமிழகத்தில் பாஜக தலைமையில் கூட்டணி அமைக்கும் பணி தீவிரமாக நடைபெற்று வருகிறது. அந்த கூட்டணியில் தமிழ் மாநில காங்கிரஸ் கட்சி இணைந்துள்ள நிலையில் மேலும் பல கட்சிகளுடன் பாஜக பேச்சுவார்த்தை நடத்தி வருகிறது.
பிரதமர் நரேந்திர மோடி அன்றைய தினம் சென்னைக்கு வர இருக்கிறார். பிரதமர் மோடி கடந்த 27, 28-ம் தேதிகளில் 2 நாள் பயணமாக தமிழகம் வந்தார். அரசு நிகழ்ச்சிகள், பாஜக பொதுக் கூட்டங்களில் கலந்து கொண்டு பேசினார். இந்நிலையில் மார்ச் 4ஆம் தேதி மோடி மீண்டும் தமிழகம் வருகிறார். மார்ச் 4ஆம் தேதி சென்னையில் நடைபெறும் பாஜக பொதுக் கூட்டத்தில் பிரதமர் மோடி பங்கேற்று பேசுகிறார்.
