தமிழ்நாடு பள்ளிக்கல்வித்துறை, 1ம் வகுப்பு முதல் 9ம் வகுப்பு வரையிலான மாணவர்களுக்கான முழு ஆண்டு தேர்வு அட்டவணையை வெளியிட்டுள்ளது.
1ம் முதல் 5ம் வகுப்பு வரை உள்ள மாணவர்களுக்கு முழு ஆண்டு தேர்வு ஏப்ரல் 9ம் தேதி முதல் 21ம் தேதி வரை ஒரே கட்டமாக நடத்தப்படும். தேர்வுகள் முடிந்தவுடன் கோடை விடுமுறை வழங்கப்படும்.
6ம் முதல் 9ம் வகுப்பு மாணவர்களுக்கு, முழு ஆண்டு தேர்வு ஏப்ரல் 8ம் தேதி முதல் 24ம் தேதி வரை நடைபெறும். இறுதி நாள் தேர்வை தொடர்ந்து, இவர்களுக்கும் கோடை விடுமுறை வழங்கப்படும்.
1ம் முதல் 5ம் வகுப்பு வரை உள்ள மாணவர்களின் கோடை விடுமுறை ஏப்ரல் 22ம் தேதி முதல் தொடங்கும். 6ம் முதல் 9ம் வகுப்பு மாணவர்களுக்கான விடுமுறை ஏப்ரல் 25ம் தேதி முதல் தொடங்கும்.
கோடை விடுமுறை முடிந்த பிறகு, பள்ளிகள் ஜூன் 2ம் தேதி மீண்டும் திறக்கப்படும் என எதிர்பார்க்கப்படுகிறது.
