அதிமுகவில் இருந்து தனி அணியாகவும், அம்மா மக்கள் முன்னேற்ற கழகம் என்ற தனிக்கட்சியாகவும் செயல்பட்டு வரும் தினகரன் கட்சியில் ஏற்கனவே தகுதிநீக்கம் செய்யப்பட்ட 18 எம்.எல்.ஏக்கள் உள்பட 19 எம்.எல்.ஏக்களின் ஆதரவு உள்ளது.
தற்போது குற்றாலத்தில் டிடிவி தினகரனும் அவருடைய ஆதரவாளர்களும் ரகசிய ஆலோசனை செய்து வருவதாகவும், விரைவில் 4 எம்.எல்.ஏக்கள் தினகரன் அணியில் இணைய வாய்ப்பு உள்ளதாகவும் கூறப்படுகிறது. இதன்படி மேலும் 4 எம்.எல்.ஏக்கள் அணி மாறினால் முதல்வர் எடப்பாடி பழனிச்சாமியின் ஆட்சி கவிழ வாய்ப்பு இருப்பதாக கூறப்படுவதால் விரைவில் தமிழக அரசியலில் பெரும் திருப்பம் ஏற்படும் என்று எதிர்பார்க்கப்படுகிறது.
