கோழிக்கோடு பகுதியை சேர்ந்த மூன்று மாத குழந்தை ஒன்று இந்த அரிய வகை நோய்த்தொற்றால் உயிரிழந்தது. அதேபோல், மலப்புரம் மாவட்டத்தைச் சேர்ந்த 52 வயது பெண் ஒருவரும் இதே காய்ச்சலால் பாதிக்கப்பட்டு உயிரிழந்துள்ளார்.
'அமீபிக் மூளைக் காய்ச்சல்' ஒரு அரிய மற்றும் தீவிரமான மூளை தொற்றாகும். 'நெக்லேரியா ஃபோவ்லெரி' என்ற அமீபா கிருமியால் இது ஏற்படுகிறது. இந்த அமீபா, பொதுவாக ஏரிகள், ஆறுகள், வெந்நீர் ஊற்றுகள் போன்ற வெதுவெதுப்பான நன்னீர் நிலைகளில் காணப்படுகிறது.
இந்த நீரை குடிப்பதால் அல்ல, மாறாக, நீச்சலின்போது அல்லது தண்ணீரில் விளையாடும்போது இந்த அமீபா மூக்கு வழியாக உடலுக்குள் நுழைந்து மூளையை அடைந்து, மூளைக் காய்ச்சலை ஏற்படுத்துகிறது. இந்த காய்ச்சலின் இறப்பு விகிதம் மிக அதிகமாக உள்ளது.
