மத்திய பிரதேச மாநிலத்தின் சத்தர்பூர் மாவட்டத்தில் தாமோரா அரசு பள்ளியில் சக்சேனா என்ற 55 வயது நபர் முதல்வராக பணியாற்றி வந்தார். இந்த நிலையில், நேற்று அவர் பள்ளியின் கழிவறைக்கு சென்றபோது, பின்னால் சென்ற 12ஆம் வகுப்பு மாணவன் ஒருவன் திடீரென மறைத்து வைத்திருந்த துப்பாக்கியை எடுத்து அவரை நோக்கி சுட்டுள்ளார்.
இந்த துப்பாக்கிச் சூட்டில், சக்சேனாவின் தலையில் குண்டு பாய்ந்ததால் அவர் அங்கேயே உயிரிழந்தார். அதன் பின்னர், அந்த மாணவன் தனது கூட்டாளியுடன் முதல்வரின் இருசக்கர வாகனத்தை திருடி அங்கிருந்து தப்பிச் சென்றதாக தெரியவந்துள்ளது.
