உபி மாநிலத்தில் தந்தை நடத்தி வந்த ஒரு சலூன் கடையை அவருடைய மறைவிற்கு பின் அவருடைய இரண்டு மகள்கள் நடத்தி வருவது குறித்து செய்தி புகைப்படங்களுடன் சமூக வலைத்தளங்களில் வைரலானது, இதுகுறித்து அறிந்த சச்சின் தெண்டுல்கர், அந்த சலூனுக்கு நேரடியாக சென்று அந்த இரண்டு பெண்களுக்கும் தனது வாழ்த்துக்களையும் பாராட்டுக்களையும் தெரிவித்தார். அதுமட்டுமின்றி அவரே அந்த சலூன் கடையில் ஷேவிங்கும் செய்து கொண்டார்.
பெரும்பாலும் ஆண்கள் மட்டுமே செய்யும் சலூன் தொழிலில் இரண்டு இளம்பெண்கள் சாதித்து வருவதை ஊக்கப்படுத்தவே சச்சின் அந்த சலூனுக்கு சென்றதாக கூறப்படுகிறது. சச்சினின் வருகைக்கு பின் அந்த கடை மாநிலம் முழுவதும் ஃபேமஸ் ஆகிவிட்டது. தற்போது விஐபிக்களும் அந்த கடைக்கு வாடிக்கையாளர்களாகியுள்ளனர் என்பது குறிப்பிடத்தக்கது
