சர்வதேச சந்தையின் நிலவரத்திற்கு ஏற்ப தங்கம், வெள்ளி விலை தினமும் மாறி வருவது போல கச்சா எண்ணெயின் தினசரி சர்வதேச நிலவரத்திற்கு தகுந்தபடி இனிமேல் பெட்ரோல்-டீசல் விலையும் தினசரி விலை நிர்ணயிக்கப்பட அதிக வாய்ப்பு இருப்பதாக செய்திகள் வெளிவந்துள்ளது. தற்போது பெட்ரோல்-டீசல் விலை 15 நாட்களுக்கு ஒருமுறை மாற்றப்பட்டு வருகிறது என்பது குறிப்பிடத்தக்கது.
இந்த முறை அமலுக்கு வந்தால் பெட்ரோல், டீசல் விலை தினமும் சில பைசாக்கள் குறையும் அல்லது ஏறும். பெரிய மாற்றங்கள் இருக்காது. இதனால் வாடிக்கையாளர்களும் அதிர்ச்சியடைய மாட்டார்கள், என்றும் அதே சமயத்தில் இந்த நடைமுறையை எளிதாக அமல்படுத்த தற்போதைய டிஜிட்டல் தொழில்நுட்பம் உதவும் என்றும், விலை மாறுதல்களை தினமும் சமூக வலைத்தளங்கள் மூலம் மக்களுக்கு தெரிவிக்கலாம் என்றும் எண்ணெய் நிறுவனங்கள் கூறி வருகின்றன.
