ஒன்பிளஸ் நிறுவனம், அதன் ஆடியோ தயாரிப்பு வரிசையில் புதிய வரவாக புல்லட்ஸ் வயர்லெஸ் Z3 நெக்பேண்டை இந்தியாவில் அறிமுகப்படுத்தியுள்ளது. இதன் விலை வெறும் ₹1,699 ஆகும். ஜூன் 24 முதல் OnePlus.in, Amazon, Flipkart, Myntra மற்றும் முன்னணி சில்லறை விற்பனை கடைகளிலும் இது கிடைக்கும்.
இந்த நெக்பேண்ட் ஒருமுறை முழு சார்ஜ் செய்தால் 36 மணிநேரம் இசையையும், 21 மணிநேரம் அழைப்பு நேரத்தையும் வழங்குகிறது. வெறும் 10 நிமிட சார்ஜில் 27 மணிநேரம் வரை பயன்படுத்தலாம்! புளூடூத் 5.4, ஆண்ட்ராய்டுக்கான கூகுள் ஃபாஸ்ட் பேர் ஆதரவுடன் வருகிறது. காந்த இயர்பட்ஸ் தானாக இணைக்கும் மற்றும் அணைக்கும் வசதியை கொண்டுள்ளன.
12.4மிமீ டைனமிக் டிரைவர்கள், டால்பி அட்மாஸ், டால்பி டிஜிட்டல் பிளஸ் சான்றிதழுடன், சிறந்த ஒலி அனுபவத்தை உறுதி செய்கிறது. பாஸ்வேவ் (BassWave) தொழில்நுட்பம் குரல் தெளிவை பாதிக்காமல் பாஸ்ஸை மேம்படுத்துகிறது. 3D ஸ்பேஷியல் ஆடியோ மற்றும் AI அழைப்பு இரைச்சல் ரத்து போன்ற அம்சங்கள் இதன் கூடுதல் சிறப்பம்சங்கள்.
