தாங்கள் மத்திய குற்றப்பிரிவு போலீசார் என்றும், பேருந்தை சோதனை செய்ய வேண்டும் என்றும் கூறிய அவர்கள் முதலில் பேருந்து ஓட்டுனரை கீழே இறங்க சொன்னார்கள். பின்னர் திடீரென அந்த 7 பேர்களில் ஒருவர் பேருந்தை ஓட்டி சென்றார். அப்போதுதான் பயணிகளுக்க்கு தாங்கள் கடத்தப்பட்டுள்ளோம் என்று தெரிந்துள்ளது.
இதுகுறித்து பேருந்து ஓட்டுனர் கொடுத்த புகாரின் அடிப்படையில் துரிதமாக செயல்பட்ட போலீசார் பேருந்தை மடக்கி நிறுத்தினர். பேருந்தை கடத்திய 7 பேர்களில் 3 பேர் தப்பியோடிவிட்டதாகவும், 4 பேர் கைது செய்யப்பட்டதாகவும் போலீசார் தெரிவித்தனர், இதுகுறித்து போலீசார் விசாரணை செய்து கொண்டு வருவதோடு, தப்பியோடிய மூவரை பிடிக்கும் முயற்சியிலும் ஈடுபட்டு வருகிறது.
