இந்நிலையில் மகாராஷ்டிர தேர்தல் அறிக்கையில் சாவர்க்கருக்கு பாரத ரத்னா வழங்க முன்மொழிவதாக குறிப்பிட்டுள்ளது பாஜக. இதுகுறித்து பேசிய இந்திய கம்யூனிஸ்ட் கட்சி பொது செயலாளர் டி.ராஜா “ மகாத்மா காந்தியின் 150வது பிறந்தநாளை நாடே கொண்டாடி வரும் நிலையில், அவரது கொலை வழக்கில் ஒரு குற்றவாளியான சாவர்க்கருக்கு பாரத ரத்னா வழங்க வேண்டும் என வலியுறுத்துவது மிகப்பெரிய முரணாகும். இன்று சாவர்க்கருக்கு பாரத ரத்னா கேட்பவர்கள், நாளை காந்தியை கொன்ற நாதுராம் கோட்சேவுக்கே பாரத ரத்னா கேட்டாலும் ஆச்சர்யப்படுவதற்கில்லை” என்று கூறியுள்ளார்.
