இதில் கவனிக்கத்தக்க விஷயம் என்னவென்றால் 2019ல் பாஜகவுக்கு எதிராக அனைத்து எதிர்கட்சிகளையும் இணைய அழைப்பு விடுத்தவர் சந்திரபாபு நாயுடு. அதுபோல 2024 தேர்தலில் இந்தியா கூட்டணி உருவாக காரணமாக அமைந்தவர் நிதிஸ் குமார். தற்போது இருவருமே பாஜக கூட்டணியில் உள்ள நிலையில் இந்தியா கூட்டணி அழைப்பு விடுத்தால் அதை பரிசீலிப்பார்கள் என்றே எதிர்பார்க்கப்படுகிறது.
இந்நிலையில் எக்ஸ் தளத்தில் இதை குறிப்பிட்டு பதிவிட்டுள்ள ஆம் ஆத்மி கட்சி மூத்த தலைவர் சரத் பரத்வாஜ், “2019ம் ஆண்டில் மோடிக்கு எதிராக அனைத்து எதிர்கட்சிகளையும் சந்திரபாபு நாயுடு ஒன்று சேர்த்தார். 2024ம் ஆண்டில் நிதிஸ்குமார் பாஜகவுக்கு எதிராக அனைவரையும் ஒன்று சேர்த்தார். தற்போது அவர்கள் கையில்தான் எல்லாமே உள்ளது” என்று கூறியுள்ளார்.
