உத்தரபிரதேச மாநிலத்தில் உள்ள அலிகார் என்ற பகுதியில் குலிஸ்தனா என்ற முஸ்லீம் பெண் தனது குடும்பத்தினர்களுடன் ஒரு வாடகை வீட்டில் வசித்து வந்தார். அந்த வீட்டின் உரிமையாளர் ஒரு தீவிர பாஜக எதிர்ப்பாளர். இந்த நிலையில் அந்த முஸ்லீம் சமீபத்தில் பாஜகவில் இணைந்தார். இந்த செய்தியை அறிந்த வீட்டின் உரிமையாளர் ஆத்திரமடைந்து பாஜகவில் சேர்ந்தவர்கள் எனது வீட்டில் வாடகைக்கு குடியிருக்க கூடாது, உடனே காலி செய்யவும் என வலியுறுத்தியுள்ளார். இதனால் அந்த முஸ்லீம் குடும்பம் அதிர்ச்சி அடைந்துள்ளது
இதுகுறித்து அந்த முஸ்லீம் பெண் செய்தியாளர்களிடம் கூறியபோது, 'நான் நேற்று பாஜகவில் இணைந்தேன். அடுத்த நாளே வீட்டை காலி செய்யும்படி வீட்டின் உரிமையாளர் கூறியதோடு என்னிடம் மரியாதைக்குறைவாகவும் நடந்து கொண்டார். இதுகுறித்து நான் போலீசில் புகார் அளிக்கவுள்ளேன்' என்று கூறியுள்ளார்.
