பாமக மற்றும் தேமுதிகவை தங்கள் பக்கம் இழுக்க பாஜகவும் அதிமுகவும் ஒரே நேரத்தில் பேச்சுவார்த்தை நடத்தி வருகின்றன. இதனால் தமிழக அரசியல் களம் பரபரப்பாக காணப்படும் நிலையில், செய்தியாளர்களிடம் பேசிய அதிமுக துணை பொதுச்செயலாளர் கே.பி முனுசாமி, மக்களவைத் தேர்தலில் அதிமுக மெகா கூட்டணி அமைக்கும் என்று தெரிவித்துள்ளார்.
இதனிடையே கடந்த 2021 சட்டமன்றத் தேர்தலில், தேமுதிக கேட்ட தொகுதிகளை அதிமுக தராததால் அந்தக் கூட்டணியில் இருந்து தேமுதிக வெளியேறியது. அப்போது பேசிய தேமுதிகவின் எல்.கே சுதீஷ், கே.பி முனுசாமியை கடுமையாக விமர்சித்து பேசி இருந்தார்.
இதனால் கே.பி முனுசாமி மீது தேமுதிக அதிருப்தியில் உள்ளதாக கூறப்படும் நிலையில், அதிமுகவுடன் தேமுதிக கூட்டணி வைக்குமா என்பது சந்தேகம் தான்.
