வாரிசு நடிகை போட்ட கண்டிஷன்

மலையாள வாரிசு நடிகை போட்ட கண்டிஷனால் இயக்குநரும், தயாரிப்பாளரும் தவியாய் தவிக்கிறார்களாம்.

பழம்பெரும் நடிகையின் வாழ்க்கை வரலாறு, தமிழ் மற்றும் தெலுங்கு மொழிகளில் படமாக எடுக்கப்பட்டு வருகிறது. இந்தப் படத்தில், மலையாள வாரிசு நடிகை ஹீரோயினாக ஒப்பந்தம் செய்யப்பட்டார். பழம்பெரும் நடிகையைப் போல கொஞ்சம் புஷ்டியாக இருந்ததால்தான் அந்த நடிகையை ஒப்பந்தம் செய்தார்கள்.

ஆனால், திடீரென சிலபல கிலோ வெயிட்டைக் குறைத்து சிக்கென ஆகிவிட்டாராம் நடிகை. இதைப் பார்த்து அதிர்ச்சியான இயக்குநரும், தயாரிப்பாளரும், கொஞ்சம் வெயிட் போடுமாறு நடிகையிடம் கூறியிருக்கின்றனர். ஆனால், அப்படிச் செய்யமுடியாது என கண்டிஷனாக மறுத்துவிட்டாராம் நடிகை. பிரமாண்ட படத்தில் ஹீரோயின் எடையை கிராஃபிக்ஸ் மூலம் குறைத்துக் காட்டியது போல், தன் எடையை அதிகப்படுத்திக் காட்டுமாறு ஐடியாவும் சொன்னாராம்.