வோடஃபோன் மற்றும் ஐடியா நிறுவனங்கள் மத்திய அரசுக்கு செலுத்த வேண்டிய கடன் 99 ஆயிரம் கோடி ரூபாய் உள்ளது. சமீபத்தில் இதுகுறித்து தீர்ப்பு வெளியிட்ட நீதிமன்றம் கடன் தொகையை செலுத்துமாறு உத்தரவிட்டது. அதிகமான கடன் சுமையால் லண்டனை தலைமையகமாக கொண்ட வோடஃபோன் நிறுவனம், ஆதித்யா பிர்லாவின் ஐடியா நிறுவனத்தோடு இணைந்து செயல்பட்டு வந்தது. ஆனாலும் இரு நிறுவனங்களும் தொடர்ந்து நஷ்டத்தையே சந்தித்து வந்துள்ளன.
இதனால் வோடஃபோன் வெளி நபர் முதலீடுகளை எதிர்பார்க்க வேண்டிய கட்டாயம் ஏற்பட்டுள்ளது. இந்நிலையில் சமீபத்தில் பேசிய வோடபோன் துணை நிறுவனர் “புதிய முதலீடுகளும், அரசின் உதவியும் இல்லாமல் இந்தியாவில் வோடஃபோனால் இயங்க முடியாது” என தெரிவித்துள்ளார்.
