ஐபில் தொடரின் 39-வது ஆட்டம் ராஜீவ் காந்தி சர்வதேச மைதானத்தில் நடைபெறவுள்ளது. இதில் கேன் வில்லியம்சன் தலைமையிலான ஹைதராபாத் சன்ரைசர்ஸ் அணியும், கோலி தலைமையிலான பெங்களூரு ராயல்சேலஞ்சர்ஸ் அணியும் மோதவுள்ளன. இந்த போட்டி இன்று இரவு 8 மணிக்கு தொடங்குகிறது.
இரு அணிகளுக்கும் இது பத்தாவது போட்டியாகும், ஹைதராபாத் அணி இதுவரை 9 போட்டிகளில் விளையாடி, 7 போட்டிகளில் வென்று, 2 போட்டியில் தோற்றுள்ளது. பெங்களூரு அணி 9 போட்டிகளில் விளையாடி 3 போட்டியில் மட்டுமே வெற்றி பெற்றுள்ளது.
இந்த நிலையில் பெங்களூரு அணி எஞ்சிய லீக் ஆட்டங்களில் வெற்றி பெற்றால் மட்டுமே பிளே ஆப் சுற்றுக்கு முன்னேற முடியும், இதனால் அந்த அணி இன்றைய போட்டியில் வெற்றி பெறும் முனைப்பில் விளையாடும் என்று எதிர்பார்க்கப்படுகிறது.
