உலக தாய்ப்பால் வாரத்தை முன்னிட்டு, சீதாபதி மருத்துவமனை புதிதாகப் பிள்ளைபெற்ற தாய்மார்களுக்காக சென்னையில் ஒரு இலவச தாய்ப்பால் ஆலோசனை ஹெல்ப்லைனை அறிமுகப்படுத்தியுள்ளது
தாய்மைப் பயணத்தின் ஆரம்ப நாட்களில் தாய்மார்களுக்கு உதவுவதற்காக இந்த மருத்துவமனை ‘தாய்மார் ஆதரவு மன்றம்’ ஒன்றையும் தொடங்கியுள்ளது.
சமீபத்திய தரவுகளில், தாய்ப்பாலூட்டும் விகிதங்களை மேம்படுத்துவது ஒவ்வொரு ஆண்டும் 820,000 குழந்தைகளின் உயிரைக் காப்பாற்றும் எனத் தெரியவந்துள்ளது.
சென்னை, 4 ஆகஸ்ட் 2024: உலக தாய்ப்பால் வாரத்தை முன்னிட்டு, சீதாபதி மருத்துவமனை பல்வேறு விழிப்புணர்வு நிகழ்ச்சிகளுக்கு ஏற்பாடு செய்துள்ளது. அதன் ஒரு பகுதியாக, இலவச தாய்ப்பால் ஆலோசனை ஹெல்ப்லைனை (7305644465) அறிமுகப்படுத்தியது, இது தாய்மார்களுக்கு ஏற்படும் கேள்விகள் அல்லது கவலைகளை நிவர்த்தி செய்து, துல்லியமான மற்றும் நம்பகமான மருத்துவ ஆலோசனைகளை வழங்குவதை நோக்கமாகக் கொண்டுள்ளது. இந்த ஹெல்ப்லைன் சான்றளிக்கப்பட்ட மற்றும் அனுபவம் வாய்ந்த பாலூட்டுதல் ஆலோசகர்களைக் கொண்டுள்ளது மற்றும் 24 X 7 செயல்படவுள்ளது.
கூடுதலாக, இம்மருத்துவமனை தாய்ப்பாலின் முக்கியத்துவத்தை எடுத்துரைப்பதற்காக நிபுணர்களுடன் ஒரு ஊடாடும் அமர்வை நடத்தியது, இது புதிய மற்றும் கர்ப்பிணித் தாய்மார்கள் மற்றும் அவர்களது குடும்பத்தினருக்கு வேலை மற்றும் பாலூட்டுதல் ஆகியவற்றுக்கு இடையிலான சமநிலையைப் பயிற்றுவிப்பதை நோக்கமாகக் கொண்டுள்ளது.
சீதாபதி மருத்துவமனை இன்று ‘தாய்மார் ஆதரவு மன்றம்’ ஒன்றையும் அறிமுகப்படுத்தியது. இது, தாய்மார்களுக்கு அவர்களின் குழந்தை பிறந்தது முதல் குழந்தையின் இரண்டாம் ஆண்டு வரை ஆதரவளிப்பதற்காக அர்ப்பணிக்கப்பட்டுள்ளது. இந்த மன்றம் புதிய தாய்மார்களுக்கு தாய்ப்பாலூட்டுவது தொடர்பான ஆதரவை வழங்கும், உணவளிக்கும் குறிப்புகளையும், எதிர்காலத்தில் பாலூட்டுதலைப் படிப்படியாக நிறுத்துதல் தொடர்பான குறிப்புகளையும் வழங்கும்.
தாய்ப்பால் குழந்தை பருவ நோய்களின் சுமையை குறைக்கிறது மற்றும் தாய்மார்களுக்கு சில வகையான புற்றுநோய்கள் மற்றும் தொற்று அல்லாத நோய்களின் அபாயத்தை குறைக்கிறது. தாய்மார்கள் ஆதரவைப் பெறும்போது, அவர்கள் தங்கள் குழந்தைகளுக்கு தாய்ப்பால் கொடுக்க வேண்டும், இது அனைவருக்கும் நன்மை பயக்கும். சமீபத்திய தரவுகளின்படி, தாய்ப்பாலூட்டும் விகிதங்களை மேம்படுத்துவது ஒவ்வொரு ஆண்டும் 820,000 குழந்தைகளின் உயிரைக் காப்பாற்றும் எனத் தெரியவந்துள்ளது.
இது குறித்து கருத்து தெரிவித்த சீதாபதி மருத்துவமனையின் மூத்த மகப்பேறு மற்றும் பெண்ணோயியல் நிபுணரும், சீதாபதி மருத்துவமனையின் இயக்குநருமான டாக்டர் உமா ராம் அவர்கள், "இந்தியாவில் நடைபெற்ற சில ஆய்வுகளில், பிறந்த பிறகு முதல் ஒரு மணி நேரத்தில் 20-25% சருமத்தொடர்பு கிடைப்பதைக் காட்டுகின்றன. உலகளவில் 6/10 குழந்தைகள் முதல் ஒரு மணி நேரத்திற்குள் மார்பின் மேல் போடப்படுவதில்லை. சீதாபதி ஆஸ்பத்திரியில் தாய்ப்பால் கொடுக்கும் வகுப்புகள் மூலம் தாய்மார்களுக்கு பிரசவத்திற்கு முந்தைய தயார்படுத்தலுடன் சுகாதாரப் பாதுகாப்பு வசதி மற்றும் ஊக்கமுள்ள ஊழியர்களின் அர்ப்பணிப்புடன், முதல் ஒரு மணி நேரத்தில் 85% சருமத்தொடர்பு வழங்கப்பட்டு, 60% குழந்தை-மார்பகம் இணைப்பு மற்றும் 6 மாதங்களில் 70% பிரத்தியேகத் தாய்ப்பால் வழங்கல் சாத்தியமாக்கப்படும்" என்று கூறினார்.
இது குறித்து கருத்து தெரிவித்த சீதாபதி மருத்துவமனையின் பிரசவக் கல்வியாளரும் பாலூட்டுதல் ஆலோசகருமான திருமதி ரேகா சுதர்சன் அவர்கள், “குழந்தை பிறந்த முதல் ஒரு மணிநேரம் தாய்க்கும் குழந்தைக்கும் முக்கியமானது. குழந்தை பிறந்த உடனேயே தாயில் உடலில் பல உடலியல் மாற்றங்கள் ஏற்படும். சாத்தியமான சிக்கல்களைக் கண்டறிய இந்த காலகட்டத்தில் கவனமாக கவனிப்பது அவசியம். முதல் மணிநேரம் குழந்தைக்கு மிகவும் முக்கியமானது மற்றும் இது கோல்டன் ஹவர் என்று அழைக்கப்படுகிறது. இந்த நேரத்தில், குழந்தைக்கு பல நன்மைகளை வழங்குவதால், சருமத்தொடர்பு வழங்குவது மற்றும் தாய்ப்பால் கொடுப்பது மிகவும் முக்கியமானது” என்று கூறினார்.
“தாய்ப்பாலை மட்டும் பிரத்தியேகமாக வழங்குவது மிகவும் முக்கியமாகும். சில பெண்களுக்கு பாலுட்டுவதில் சிரமம் இருக்கலாம் அல்லது அவர்கள் உட்கொள்ளும் மருந்துகளால் பாலுட்ட முடியாமல் போகலாம். மற்றவர்களுக்கு முலையழற்சி அல்லது மார்பக சீழ் ஏற்படலாம். அந்த பெண்களுக்கு கூடுதல் ஆதரவு தேவைப்படுகிறது, ஏனெனில் அவர்கள் தொடர்ந்து திறம்பட பிணைக்க முடியும் மற்றும் அப்பிரச்சனைகளால் குற்ற உணர்ச்சியை உணர வேண்டிய அவசியமில்லை, ஏனெனில் குழந்தைக்கு மாற்று ஊட்டங்களை அறிமுகப்படுத்த அவர்களிடம் நியாயமான காரணங்கள் உள்ளன" என்று திருமதி ரேகா சுதர்ஷன் கூறினார்.
தாய்ப்பாலின் முக்கியத்துவம் மற்றும் தாய்மார்களுக்கு ஆதரவளிக்கும் வகையில், உலக தாய்ப்பால் வாரம் ஆண்டுதோறும் ஆகஸ்ட் 1 முதல் 7 வரை கடைபிடிக்கப்படுகிறது. உலக தாய்ப்பால் வாரம் 2024 இன் கருப்பொருள் "இடைவெளியைப் போக்குவது: அனைவருக்கும் தாய்ப்பால் ஆதரவு" என்பதாகும். பாலூட்டும் தாய்மார்களின் பாலூட்டும் பயணங்கள் முழுவதும் அவர்களின் பன்முகத்தன்மையைக் கொண்டாடுவதில் இந்த ஆண்டு கவனம் செலுத்தப்படுகிறது. குடும்பங்கள், சமுதாயங்கள், சமூகங்கள் மற்றும் சுகாதாரப் பணியாளர்கள் ஒவ்வொரு பாலூட்டும் தாய்க்கும் அவர்களின் சூழ்நிலையைப் பொருட்படுத்தாமல் எவ்வாறு ஆதரவளிக்க முடியும் என்பதை வெளிப்படுத்துவதே இந்த பிரச்சாரத்தின் நோக்கமாகும்.
