பிரபல ஸ்மார்ட்போன் தயாரிப்பு நிறுவனமான ஹூவாய் தனது வை9 ஸ்மார்ட்போன் மீது விலை குறைப்பை அறிமுகம் செய்துள்ளது.
ஹூவாய் நிறுவனம் கடந்த ஆண்டு மிட் ரேன்ஜ் பிரிவில் இந்திய சந்தையில் வெளியிட்ட ஹூவாய் வை9 ஸ்மார்ட்போன் மீது ரூ.3,000 விலை குறைப்பை அறிமுகம் செய்துள்ளது. இது நிரந்தர விலை குறைப்பா அல்லது குறுகிய கால சலுகையா என தகவல் வெளியிடப்படாத நிலையில், இந்த விலை குறைப்பு அமேசானில் நடைமுறைக்கு வந்துள்ளது.
மிட்நைட் பிளாக் மற்றும் சஃபையர் புளு என இரண்டு நிறங்களில் கிடைக்கும் இந்த ஸ்மார்ட்போன் ரூ.15,990 விலையில் விற்பனை செயப்பட்ட நிலையில் தற்போது ரூ.3,000 குறைக்கப்பட்டு ரூ.12,990 விலையில் விற்பனை செய்யப்படுகிறது.
