குறிப்பாக நான்காவது இடத்தில் யாரை இறக்குவது என்ற குழப்பம் உள்ளது. அந்த இடத்தில் கே எல் ராகுல், சூர்யகுமார் யாதவ், ஸ்ரேயாஸ் ஐயர் என பலரை மாற்றி மாற்றி இந்திய அணி பரிசோதனை செய்து வருகிறது. ஆனால் இன்னமும் அந்த இடத்துக்கு நிரந்தரமான வீரர் தயாராகவில்லை என்பதுதான் நிதர்சனம்.
இந்நிலையில் இப்போது இதுபற்றி பேசியுள்ளார் இந்திய அணியின் முன்னாள் கேப்டன் சவுரவ் கங்குலி. அதில் “ஸ்ரேயாஸ் ஐயர் இந்திய அணியில் இல்லையென்றால், அவருக்கு பதிலாக திலக் வர்மாவை இறக்கலாம். அவருக்கு அனுபவம் இல்லை என்றாலும், ஏற்கனவே இந்திய அணியில் பல அனுபவம் மிக்க வீரர்கள் இருப்பதால் அதைப் பற்றி நாம் கவலைப்படவேண்டாம்” எனக் கூறியுள்ளார்.
