நேற்று கிறிஸ்ட்சர்ச் மைதானத்தில் இங்கிலாந்து- நியூசிலாந்துக்கு எதிரான 2-வது டெஸ்ட் போட்டி தொடங்கியது. இந்த போட்டியில் டாஸ் வென்ற நியூசிலாந்து அணி பவுலிங்கை தேர்வு செய்தது. அதன்படி களமிறங்கிய இங்கிலாந்து அணியின் தொடக்க வீரர்கள் நியூசிலாந்து அணியினர் பவுலிங்கை சமாளிக்க முடியாமல் அடுத்தடுத்து வீக்கெட்டுகளை இழந்தனர்.
இந்நிலையில், இன்று இரண்டாம் நாள் ஆட்டம் தொடங்கியது. பேர்ஸ்டோவ் சதமடித்து ஆட்டமிழக்க இங்கிலாந்து அணி 96.5 ஓவர்களில் 307 ரன்களுக்கு ஆட்டமிழந்தது. அதிகபட்சமாக சவுத்தி 6 விக்கெட்டுகளையும், போல்ட் 4 விக்கெட்டுகளையும் கைப்பற்றினர்.
அதன்பிறகு வாட்லிங்கின் நிதானமான ஆட்டத்தால் நியூசிலாந்து அணி இரண்டாவது நாள் ஆட்ட முடிவில் 6 வீக்கெட் இழப்பிற்கு 193 ரன்கள் எடுத்துள்ளது. இங்கிலாந்து அணி சார்பில் அதிகப்பட்சமாக பிராட் 4 விக்கெட்டுகளை எடுத்துள்ளார். வாட்லிங் 77 ரன்களுடனும், சவுத்தி 13 ரன்களுடனும் களத்தில் உள்ளனர்.
