மேலும் அவருக்குப் பதிலாக இளம் வீரரான ரியான் பராக்கிற்கு அதிக முக்கியத்துவம் கொடுக்கப்படுவது போன்ற ஒரு தோற்றமும் எழுந்தது. இந்நிலையில் சஞ்சு சாம்சன் ராஜஸ்தான் ராயல்ஸ் அணியில் இருந்து விலகும் முடிவை எடுத்துள்ளதாக கிசுகிசுக்கள் உலவ ஆரம்பித்தன. அவர் சி எஸ் கே அணியில் இணையப் பேச்சுவார்த்தை நிலவுவதாக கிசுகிசுக்கள் வெளியாகின.
இந்நிலையில் அமெரிக்காவில் சி எஸ் கே அணி நிர்வாகத்தின் இன்னொரு அணியான டெக்ஸாஸ் சூப்பர் கிங்ஸ் அணியினர் விளையாடிய போட்டியை சஞ்சு சாம்சன் சிஎஸ்கே அதிகாரிகளோடு அமர்ந்து பார்த்துள்ளார். அப்போது அவரை சிஎஸ்கே அணிக்குக் கொண்டுவர நிர்வாகிகள் பேச்சுவார்த்தை நடத்தியதாக சொல்லப்படுகிறது. மேலும் சென்னை அணியில் இருந்து அஸ்வின் மற்றும் துபே ஆகியோரைக் கொடுத்துவிட்டு சஞ்சு சாம்சனை வாங்க சிஎஸ்கே நிர்வாகம் முயல்வதாக ஒரு தகவல் பரவி வருகிறது.
