புதிய சுகாதார காப்பீடு திட்டம்: குடும்பம் ஒன்றுக்கு 1 லட்சம் வரை மருத்துவ காப்பீடு

2016-2017 ஆண்டிற்கான பொது பட்ஜெட்டை மத்திய நிதியமைச்சர் அருண் ஜெட்லி இன்று (29-02-2016) நாடாளுமன்றத்தில் தாக்கல் செய்து வருகிறார். இந்த பட்ஜெட்டில் புதிய சுகாதரா திட்டம் ஒன்று அறிமுகப் படுத்தப்பட்டுள்ளது.

இந்த புதிய சுகாதார பாதுகாப்பு திட்டத்தின் கீழ் குடும்பம் ஒன்றுக்கு 1 லட்சம் வரை மருத்துவ காப்பீடுகள் வழங்கப்படும் என பட்ஜெட்டை தாக்கல் செய்த நிதியமைச்சர் அருண் ஜேட்லி கூறினார்.

கிராமங்களின் கல்வி வளர்ச்சியை அதிகப்படுத்த, கிராமப்புறங்களில் கணினி வழி கல்வி முறை அறிமுகப்படுத்தப்படும்.

மேலும் தூய்மை இந்திய திட்டத்திற்கு 9 ஆயிரம் கோடி ரூபாயும், எழுந்திரு இந்தியா திட்டத்திற்கு 500 கோடி ரூபாயும் ஒதுக்கப்படும் என அருண் ஜெட்லி கூறினார்.

ஊரக வேலை வாய்ப்பு திட்டத்திற்காக 38 ஆயிரத்து 500 கோடி ஒதுக்கீடு செய்யப்பட்டுள்ளதாகவும், விவசாய கடன் இலக்கு 9 இலட்சம் கோடி ரூபாய் நிர்ணயிக்கப்பட்டுள்ளதாகவும் பட்ஜெட்டில் கூறப்பட்டுள்ளது.