ஷாரூக்கான், தீபிகா படுகோன், ஜான் ஆபிரகாம் உள்ளிட்ட பலர் நடித்து தயாராகியுள்ள படம் ‘பதான்’. இந்த படம் ஜனவரி 25ம் தேதி வெளியாக உள்ள நிலையில் படத்தின் பாடல்கள் முன்னதாக வெளியானது. அதில் ’பேஷரம் ரங்’ என்ற பாடலில் தீபிகா படுகோன் காவி நிற கவர்ச்சி உடையில் வந்ததற்கு இந்து அமைப்புகள் பல கண்டனம் தெரிவித்தன.
இந்நிலையில் குஜராத் மாநிலம் அகமதாபாத் கர்ணாவதி பகுதியில் உள்ள மால் ஒன்றில் பதான் படத்தின் ப்ரோமோஷன் பேனர் வைக்கப்பட்டுள்ளது. அங்கு திடீரென குவிந்த பஜ்ரங் தள் அமைப்பினர் ‘ஜெய்ஸ்ரீராம்’ என கோஷமிட்டவாறு வந்து பதான் படத்தின் பேனர்களை கிழித்து கலவரம் செய்துள்ளனர். பின்னர் படத்தை திரையிடும் திரையரங்குகளுக்கு அவர்கள் எச்சரிக்கையும் விடுத்துள்ளனர்.
