மிகப்பெரிய பேரழிவை அமெரிக்கா சந்தித்து கொண்டிருப்பதாகவும் அமெரிக்காவில் மட்டும் இதுவரை 6 லட்சத்து 77 ஆயிரம் பேருக்கு மேல் குறைவால் பாதிக்கப்பட்டு இருப்பதாகவும் தகவல்கள் வெளிவந்து கொண்டிருக்கின்றன. கடந்த சில நாட்களாகவே அமெரிக்காவில் தினமும் இரண்டாயிரத்துக்கும் அதிகமானோர் உயிரிழந்து வருவதால் பிணங்களை புதைக்க கூட இடமில்லை என்றும் மின்மயானத்தில் எரியூட்டவும் போதுமான ஆளில்லாத அவல நிலை இருந்து வருகிறது என்றும் கூறப்படுகிறது.
கொரோனா நோயின் தாக்கம் நாளுக்கு நாள் அதிகரித்துக்கொண்டே இருக்கும் நிலையில் சமீபத்தில் அமெரிக்காவில் கொரோனா உச்சத்தை அடைந்து விட்டதாகவும் இனிமேல் படிப்படியாக குறையும் என்றும் அதிபர் டிரம்ப் தெரிவித்திருந்தார். ஆனால் உச்சத்தை அடைந்த பின்னரும் மீண்டும் மீண்டும் புதிய உச்சத்தை தொட்டுக்கொண்டிருப்பதால் அமெரிக்க மக்கள் அதிர்ச்சியில் உறைந்துள்ளனர்
